Новиот проект на кавадаречкиот театар примен со воодушевување.

Очекувавме нов,и се случи нов театар.Различен а сличен со старите проекти.Подновен со нив израз кон уметноста-театарска и со изразноста кон публиката.

„Пасивно пушење„ која синоќа беше премерно прикажана на сцената на Театарот на Домот на Културата „Иван Мазов Климе„ ни донесе комедија со трагичен крај, испреплетена со невозможни заплети, со приказна нам многу блиска.Дејството на целата сторија во која маkедонецот е загавен на аеродомот во Париз, ни доближува комични,трагични,секојдневни проблеми на јунаците, токму какви практично ги живеат .Бидејќи пубиката е веќе запозната со нив, таа комуницира со актерите, истовремено насладувајќи се на хумористичните елементи вметнати ви текстот на Небојша Ромчевиќ кој во Кавадарци го режирање Јордан Витанов.

Диме Коцевски -феноменален-ја носеше преттавата,Видан Станоев-одличен, Диме Боцев како повратник во тетатарот одлично се вклопи,Љупчо Настов-доајенски-во американски манир ,Коле Колев-стандардно добар,Валентина Ѓорѓиова-стандардно во својот (скајпоски )настап.Инаку преводот на македонски јазик и адаптацијата на текстот е на Ненад Витанов. Сценографија - Валентин Светозарев; костимографија - Јордан Витанов; избор на музика - Марјан Тодоровски; асистент на режија - Микица Илова; инспициент/суфлер - Благица Илиева; видео продукција - Тони Коцев; сценска поддршка - Диме Темков; плакат - Билјана Соколова Тодоровска.

Влезниците за претставата можат да се набават на билетарата на Домот на културата во петок и сабота (22 и 23 јуни) од 18 до 20 часот. Влез - 100 денари.