Во Музеј-галеријата Кавадарци утре Домот на Културата “Иван Мазов-Климе“- Кавадарци организира ликовна изложба во рамките на Кавадаречката култура есен.

Се работи за изложба на Наташа Милованчев родена во Скопје во 1967 година. Дипломирала на Архитектонскиот факултет (Скопје), Универзитет "Св. Кирил и Методиј" Скопје, во 1993 година и на Факултетот за ликовни уметности, Универзитет "Св. Кирил и Методиј", Скопје, на сликарскиот отсек, во 1995 година. На истиот факултет (ФЛУ), завршила и постдипломски студии во 2003 година.

Ликовната изложба под наслов „Промислувајќи го просторот„ ја чинат 25 дела/слики од повеќе циклуси, циклусот “Кодови и кругови” и “Кодирани предели”, работени во техника акрил и комбинирана техника на платно. Како проект станува збор за пресек низ визуелните наслојувања низ временски период од 2007-2017 година, односно за своевидна синтеза на елементите од еден подолг творечко-истражувачки процес.