ПОВТОРНО ОБНОВУВАЊЕ НА БОЈАТА НА ХОРИЗОНТАЛНАТА СООБРАЌАЈНА СИГНАЛИЗАЦИЈА НА КАВАДАРЕЧКИТЕ УЛИЦИ

Денеска и утре, фирмата „Виа Сигнал“ завршува со обновување на бојата на хоризонталната сообраќајна сигнализација на улиците и локалните патни правци во општина Кавадарци. Станува збор за повторно префарбување на хоризонталната патна сигнализација поради реакција и укажувањето од страна на Општината до економскиот оператор кој ја испорача неквалитетната боја со која во мај беа обновени хоризонталните сообраќајни сигнали. Но само по неколку дена бојата почна да се лупи по што општината упати реакција за обновување на постапката.

Префарбувањето започнана 18 август, а овојпат вкупната количина на боја како и ангажирањето на фирмата изведувач е на нивен трошок.

На вкупна површина од 4000 м2 се обнови бојата на пешачките премини, такси и автобуските стојалишта, а ќе се интервенира и на надолжните линии и стрелките за покажување на правец на движење на улиците во градот како и на локалните патни правци.

Со завршувањето на оваа редовна активност на Општината ќе се влијае директно на подобрување на безбедноста на сообраќајот.