Кавадарци денеска одбележува 100 годишнина од раѓањето на една од најзначајните личности од поновата историја на целиот Тиквешки крај, Димката Габерот.

​По тој повод, бројни делегации положија свежо цвеќе пред неговата спомен биста, во “Паркот на слободата и Револуцијата”.

​-Неговото име е толку длабоко врежано во свеста и паметењето на луѓето од овој крај, што тој прерасна во вистинска легендарна личност. Со ова му оддаваме почит на еден од великаните na Народноослободителната борба и револуционерното движење во Тиквешијата од 1941 до 1945 година, нагласи Петре Камчевски, директор на кавадаречкиот музеј.

​Вечерва со почеток во 19 часот, ќе се одржи свечена академија со пригодна културна уметничка програма.