„Кожувчанка од Кавадарци и Федерацијата на училишен спорт на Македонија, денесka ја продолжија веќе успешната соработка.

Во просториите на Компанијата, за реализација на идните проекти на Федерацијата, се потпиша договорот за соработка помеѓу Генералната директорка на Кожувчанка г-ѓа Јанинка Чупаркоска и Претседателот на ФУСМ проф д-р. Александар Туфекчиевски.

Имајќи иста цел, најмасовната спортска организација во Македонија и секогаш општествено одговорната компанија Кожувчанка, се сложија дека преку спортот инвестираме во младите и дека тоа е најдобриот начин за развој на децата.

Поради тоа, ваквите договори се од огромно значење за нашите најсакани и нивната иднина!

Децата сакаат да спортуваат, да им го овозможиме истото!“

- се наведува во дописот од Кожувчанка ДОО до нашата редакција а во врска со продолжувањето на соработката со Федерацијата за училишен спорт на Македонија.

извор.Кожувчанка ДОО Кавадарци.