Интегрален текст на честитката

Почитувани граѓани,

Во овие тешки времиња, кога цел свет се бори со болеста која одзеде многу човечки животи, денес, да си посакаме убави желби.За жал, оваа година, овој голем празник ќе го прославиме поинаку од вообичаено. Ако до сега сите си посакувавме на Велигден да се сплотат семејствата , денес посакуваме секој да остане во својот дом.Важна е вербата во Христа , не е важно каде се наоѓаме. Христовото воскресение не води кон патот кој ни покажува дека светот може да се промени, дека секогаш по лошото доаѓа добро.Да се надеваме на подобри денови. Да се надеваме дека Божјата сила е над се и над сите нас.Да останеме сите дома за време на овој голем празник. Да се заштитме сите. Со молитва да ги упатиме сите наши искрени желби кон нашите познаници.Ви посакувам да имате верба, љубов и надеж за подобрите времиња шо ги очекуваме. Ви посакувам да бидете здрави, вие и вашите семејства.

Христос воскресна!

Навистина воскресна!

се наведува во честитката на Градоначалникот на Општина Кавадарци Митко Јанчев по повод Велигден.