Состанокот се оддржа по иницијатива на градоначалникот на општина Кавадарци Митко Јанчев кој истакна дека бројот на заразени во општина Кавадарци е во постојан пораст . На состанокот се донесоа следниве ЗАКЛУЧОЦИ :

1.Капацитетот на ЈЗУ Болница со проширена дејност -Кавадарци се уште не е потполнет, во случај на исполнување на капацитетите да се оспособат просториите во останати одделенија, да бидат спремни и доколку има потреба да се стават во функција

2.Се упатува апел до граѓаните на општина Кавадарци да бидат максимално одговорни кон почитувањето на мерките од Влада на Република Северна Македонија, посебно кон одржување на дистанца и носење на заштитна опрема.

3.Се апелира до граѓаните на општина КАвадарци доколку почуствуваат некој од симптомите на КОВИД 19, навремено да се јавуваат кај матичните лекари со цел да се направи навремена изолација и да се намалат последиците по нивното здравје.

4.Се задолжува Територјалната Противпожарна станица Кавадаци заедно со комуналниот инспектори да формираат заеднички тимови , да ја употребат достапната дронска технологија за да може да ги мониторираат изворите на загадување на воздухот и да постапуваат соодветно според законските регулативи и истите да се санкционираат.

5.Полицијата ги има под контрола сите угостителски објекти, и се констатира дека се почитуваат мерките за работното време до 23часот. Истовремено се апелира до граѓаните сопственици на викенд куќи да се воздржат од издавње на истите за одржување на забави и прослави.

6.Да се воведат повторно мерките за дезинфекција на објектите каде се сместени јавните институции, училишта, стамбените згради за колективно домување, јавните површини како што се паркови урбаната опрема во градот, детски игралишта како и да се продолже со аеро дезинфекција.

Се задолжуваат Противпожаната единица Кавадарци, Шумскостопанство Бор Кавадарци, ЈП Комуналец Кавадарци, ЈП Јасмин Кавадарци, ЈП Паркинзи Кавадарци да ги задолжат вработените два пати во неделата да ја спроведат дезинфекцијата согласно насоките од општината.