Интргален текст на обраќањето до јавноста:

"Почитувани,

Владата предводена од СДСМ, по прогласувањето на светската пандемија од Ковид 19, креираше економски пакети во којшто се вклучени низа мерки, со цел полесно справување со последиците предзвикани од коронакризата врз стопанството, граѓаните, работниците, младите, пензионерите….

Согласно усвоената информација од страна на Владата, за статусот на реализација на економски мерки, со досегашните пакет мерки, спасени се стотици илјади работни места, а поддржани се илјадници компании…Анализата покажува дека одговорот на фискалната политика на пандемијата во државата беше брз за претпријатијата и вработените во најпогодените дејност, како и за ранливите категории на граѓани.

Економските мерки коишто ги презеде Владата предводена од СДСМ, имаа силно влијание и во ублажувањето негативните последици врз доходот и потрошувачката на домаќинствата, како и активноста на деловните субјекти.Фискалниот стимул на досега реализираните мерки изнесува 704 милиони евра, односно 6,5% од БДП.

Вториот пакет е имплементиран со 100%, а севкупна имплементација од четирите пакет мерки изнесува 82%. Некои од мерките се реализираат во текот на оваа година, така што вкупната имплементација може да достигне и до 99%.

Во рамки на четирите пакети, донесени се околу 70 различни мерки, со кои се опфатени и поддржани компаниите и граѓаните погодени од пандемијата.Во собраниска процедура е и новиот петти пакет економски мерки, кој се надеваме дека за брзо ќе биде изгласан.Сите пакети на антикризни мерки за поддршка на економијата во својот фокус ги имаат граѓаните, нивните работни места, социјалната сигурност, солидарноста, креирање амбиент за полесно надминување на економските последици од коронавирусот и спроведување на брза излезна стратегија за да продолжиме со позитивните трендови на новата развојна македонска економија.

Економијата заздравува, а за тоа се потврда позитивните тековни економски движења и тоа: високиот раст на извозот; растот на трговијата, растот на просечната плата, како и зголемување на кредитирањето на населението и стопанството од страна на банките.

СДСМ и понатаму останува посветена на креирање мерки и политики со коишто ќе се ублажат штетите настанати како резултат од коронакризата.

Ви благодарам

Вуко Мелов

Член на И.О на СДСМ Кавадарци„

- се наведува во обраќањето до јавноста.