За прв пат по 50 години денеска беа положни свежи цвеќиња на споменикот посветен на Димката Ангелов-Габерот, Пано Мударов и Ило Виларов кој се наоѓа во близина на Клинска леса ,каде тој со другатите загинува пред 80 години на 10 јуни 1943 година во нерамна борба со бугарската фашистичка војска.

Споменикот е направен од ликовниот уметник Јован Јосифовски- Ромбо од Кавадарци и за прв отворен и посетен од Боречката органзиација -Кавадарци и тогашната власт 1971 година.Оттогаш никој не стапнал овде.Местото падна по заборав а 10 јуни се одбележуваше во двете училишта кои го носат името на Димката Габерот во Каавадрци Ваташа и во село Сопот, а на тој начин и чествувањето за Мударов и Виларов.Зараснато во трња, дрвја грмушки по 50 години благодарение на активисти од МЗ од село Клиниво и Здружението „Блашница„ и жители на населбата и на село Клиново , со доброволна рака споменикот е исчистен, од зарастокот и отворен со сета своја убавина.Истиовремено патот од Бојaнчиште до Блашница е поправен,направена е настрешница на починка, искосена е околината на споменикот, кој сега со сета своја убавина се издига го симбилирира ова значајно место од НОБ.Со парични средства помогна градоначлникот и Советот на Општина Кавадарци, и неколку фирми од Кавадарци.

Денеска на јубиулејот од смрттта на нашиот херој Димката Ангелов Габерот на местото на спомерникот беа присутни 40-сетина активисти и селани од овој крај .Цвеќе положија; Членот на Советот на Општина Кавадарци Јован Златевски, директорот на ЈП „Комуналец„-Орцо Клинчаров,претседателот на МЗ„Клиново„ Љупчо Митрев и други жители ,и граѓани кои самостојно допатуваа овде и го изразија својот пиетет за нашите борци во времето на НОБ.

Најавено e доведување на струја во овој крај, изградба на леса и премин преку реката „Блашница„.Проекти или има или допрва ке се прават.Нам во очи ни падна, ентузијазмот и посветеноста тоа да се оствари.Никогаш не доцна да се вратите на своите корени, тоа потомците од село Клиново го покажуваат на дело.

Инаку Димката Габерот најпрвин е во селските гробишта ви село Ваташа, а потоа 70-те години кога е изградена Спомен костурницата неговите коски беа положни во саркофази заедно со посмртните останкте на 332 борци, кои загинаа во НОБ од Кавдарци.