DRӒXLMAIER Македонија и оваа година го поддржа Кавадаречкиот полумаратон кој под мотото “Го сакам Кавадарци” по шести пат се одржа изминатиов викенд низ улиците во центарот на градот. Во комуникација со организаторите на настанот, DRӒXLMAIER овозможи пет комплети од пехари наменети за учесниците во главните трки на пет и десет километри. За сеќавањата да траат и по многу години, компанијата обезбеди и официјален фотограф на настанот кој им направи незаборавни професионални фотографии на сите учесници.

Со поттик кон здравите навики

Кавадаречкиот полумаратон е традиционален спортски настан во градот, а DRӒXLMAIER по втор пат обезбеди поддршка за негова реализација, така што се приклучи кон одржувањето на традицијата. „Спортот е здрава навика кон која сите треба да се придржуваме. Особено е важно овој став да го промовираме кај младите генерации и затоа ние како компанија во континуитет го поддржуваме развојот на спортот и спортските настани во градот. Драго ни е што и оваа година дел од вработените во DRӒXLMAIER беа дел од полумаратонот и со свото учество потпомогнаа во промоцијата на спортските активности како неизоставен дел од секојдневните животни практики“, вели Лукас Мирингер, Генерален директор на DRӒXLMAIER Македонија.

Со меѓусебна соработка до заедничка цел

Kаварадечкиот полумаратон го отсликува спортскиот дух на градот, а со тоа ги поттикнува сите граѓани да инвестираат во своето здравје. Борче Ѓеорѓиев, еден од организаторите на настанот го искажа своето задоволство поради континуираната меѓусебна соработка со DRӒXLMAIER. „Среќен сум што нашата соработка продолжува и годинава. Од името на организацијата и сите учесници на полумаратонот упатувам голема благодарност до DRӒXLMAIER. Навистина ни е драго што компанијата е дел од градот Кавадарци и долги години е сигурен поддржувач на заедницата. Со заедничка и континуираната соработка полесно ќе ја постигнеме целта за промовирање на спортот како здрава животна навика”, објасни Ѓеорѓиевски.

Јакнење на тимскиот и спортскиот дух

И вработените во DRӒXLMAIER учествуваа на настанот и беа дел од овој спортски предизвик во трките на пет и десет километри. „Со учеството на кавадаречкиот полумаратон покрај тоа што ја промовираме идејата за здраво живеење, истовремено имаме можност и меѓусебно да се дружиме надвор од работното место. Така, покрај спортскиот дух, уште повеќе го зајакнуваме и тимскиот дух”, посочуваат вработените. DRӒXLMAIER како семејна компанија со традиција од повеќе од 65 години во континуитет реализира широк спектар на проекти со цел да даде придонес за одржливиот развој на општеството од себе си се смета за дел.