Меѓународен ден на жената — светски празник што се одбележува секоја година на 8 март. Тоа е ден кога се одбележува борбата на жените за економска, политичка и социјална рамноправност со мажите.

Идејата за одбележување на посебен ден посветен на жените потекнува од почетокот на 20-от век, а на неа посебно инсистираше социјалистичкото движење. Првиот Ден на жената е одбележан на 28 февруари 1909 година во САД по иницијатива на Социјалистичката партија на Америка. Во 1910 г. под закрила на Втората интернационала во Копенхаген е одржана Првата меѓународна конференција на жените и на неа е одлучено да се прославува Меѓународен ден на жената, но без да биде утврден точен датум. Следната година, на 19 март 1911, овој празник по прв пат е прославен од страна на повеќе од милион луѓе во Австрија, Данска, Германија и Швајцарија. На 8 март 1913 година жените ширум Европа одржуваат мировни собири.

По победата на болшевиците во Русија, а по иницијатива на Александра Колонтај, 8 март по прв пат е прогласен за државен празник. На запад во 1920-тите одбележувањето на 8 март полека замре, а оживеа во 1960-тите заедно со растежот на феминизмот. Сепак, во ниту една западна земја 8 март не е прогласен за државен празник.

Денес, 8 март е државен празник само во малку земји како Русија, Белорусија, Молдавија, Украина, Ерменија, Монголија, Узбекистан, Виетнам, Кина. A Република Македонија е една од ретките земји во кои се празнува Меѓународниот ден на жената, иако овој празник има само симболичен статус и нема политички конотации.

Прославата на празникоте битно различна, веке е изгубена основната нитка која Денот го прави поинаков од другите денови. Девалвацијата доаѓа по масовната појава на чајанките - на кој чај воопшто не се пие чај. На собирањата на жени од една или повеке компании на кој спонтаноста е изгубена доминира модата,веселото расположение, песната.Сето тоа е убаво-позитивно -човек и треба да се издува- да се проветри од секојдневниот стрес .Но дали е нужно се да се прави во еден ден.Рестораните полни до даска, дури и нема место сите средби на жените да се одржат во еден ден-па затоа чајанките започнаа од вчера и завчера.Веројатно поинтересно е ако се каже дека токму денес фирмата частела за 8 март.

Новите времиња носат нова димензија на прославата на 8 март, но дали тоа соодветствува на историската конотација на празникот? Очигледно не....Ако веке симболично , без мегаломанија имаме намера некому од женскиот пол да му честитраме, тоа може да се направи и со цвеќе :Симболот на жената душа и убавина...што не мора да биде правило.