Со средства од Програмата за рамномерен регионален развој на Министерството за локална самоуправа до крајот на годината ќе бидат реализирани проекти за развој на селата и на подрачјата со специфични развојни потреби.ЗА тоа за што се наменети и како ќе бидат потрошени средствата пренесуваме од службената страница на ФБ на Општина Росоман.

„Деновиве во Владата на Република Северна Македонија беа потпишани договорите за финансирање на проектите со градоначалниците на општините чии проекти беа одобрени.

Одлуката за финансирање на проектите ја донесе Владата, по претходно спроведена постапка на оценување и усвојување од страна на националниот Совет за рамномерен регионален развој.

Општина Росоман доби финансирање за 2 (два) проекти за кои аплицираше и тоа “Подобрување на животниот стандард преку изградба на водоснабдителен систем во с.Манастирец” во вредност од 2.330.407,70 денари и “Подобрување на социјалната инклузија преку уредување на централното подрачје во Росоман” во вредност од 1.826.811,10 денари. Во текот на наредниот период општината ќе спроведе тендерска постапка за најповолен изведувач на проектите и истите ќе се реализираат до крајот на оваа година.“- се наведува во известувањето на службената страница на на ФБ на Општина Росоман.