Џудо клубот „Кожувчанка“ настапи со 6 натпреварувачи и сите освоија медали

Викендов во салата Партизан во Кавадарци се одржа Државно првенство во џудо за кадети и кадетки во организација на џудо клубот Кожувчанка. Кавадаречкиот џудо клуб на ова државното првенство зеде учество со шестмина натпреварувачи во машка и женска конкуренција и сите се закитија со медали. Вкупно ЏК Кожувчанка освои 3 златни, еден сребрен и 2 бронзени медала. Марија Илиевска освои злато во категорија до 48 кг, Никола Петров освои злато до 73 кг и Игнат Петров освои злато до 55 кг. Сребрен медал освои Мила Јованова до 63 кг а со бронзени медали се закитија Дариа Јованова до 44 кг и Тоше Петров до 50 кг.

М.В.