Општина Демир Капија преку ангажираната оператива на фирмата ,,РМК Градба,, од Скопје започна со изградба на фекална канализација за одведување на отпадните фекални води од дел од Демир Капија, односно од постојните краци на фекалната канализација на улиците Маршал Тито, Првомајска, Радњанска и Борис Кидрич кон реката Вардар со вкупна должина од 254 метри. Поволните временски услови му овозможуваат на изведувачот да ги интензивира работите на терен и оваа активност да биде реализирана во предвидениот рок. Градоначалникот на Општина Демир Капија Лазар Петров изврши увид на работите, изрази задоволство од динамиката на одвивање на истите и истакна дека по завршување на работите теренот ќе биде вратен во првобитната положба. Вкупната вредност на инвестицијата изнесува 1.953.700,00 денари кои финансиски средства се обезбедени од Министерството за транспорт и врски. Со овој потег ќе се реши долгогодишниот проблем со кој се среќаваат жителите на овој дел од градот.