Советот на општина Кавадарци денеска ја одржа 3-тата седница по ред на која советниците дискитираа на 39 точки од дневниот ред.

Беа усвоени неколку предлог решенија за избор на Претседатели и членови на повеќе комисии кои ќе функционираат во ова законодавно тело. На денешната седница едногласно беше изгласана предлог одлуката за ставање вон сила на Одлуката за започнување на постапка за доделување на договор за воспоставување на Јавно приватно партнерство за изградба на мини хидроцентрала на регионалниот водовод Лукар. Поточно советот изгласа оваа хидроцентрала да ја изгради ЈП Комуналец.

Во врска со предлог одлуката на Комуналец за изградба на 5-та мини хидроцентрала и реконструкција на претходните 4 изградени, оваа точка беше надополнета со амандман кој го образложи раководителот на секторот за урбанизам Драган Симоновиќ.

Едногласно беа изгласани и предлозите за воспоставување на меѓуопштинска соработка и програмата за развој на општината за оваа година.Во врска со точката за дополнување на програмата за изработка на урбанистички планови советникот Радњански побара во иднина советниците да добијат поконкретни образложенија за да знаат за што гласаат. На седницата едногласно помина и предлог програмата за одржување на локални патишта и улици во зимски услови . Во врска со предлог одлуката за проширување на крајбрежниот појас на реката „Луда Мара“ и „Овчка река„, советникот Камчев побара да се изгради на колекторски систем а не проширување на крајбрежјето на реките, но беше појаснето дека не се работи за комунална изградба туку дефинирање на урбанистички план поточно се дефинираат рамки според законот за проширување на реачните крајбрежја. На денешната седница беше именуван претседател и членови на нов Управен одбор на градинката „Рада Поцева“, како и одобрување на планот за нови вработувања во градинката. Советот даде согласност за потпишување на договорот меѓу „Комуналец“ и КФВ Банка која му доделува грант од 2.5 милиони евра на кавадаречкото комуналното претпријатие. Исто така беше изгласан Предлог птограмата за регулирае на нерегистрираните и незгрижени кучиња за 2018 година како и Програмата за организиран дочек на Новата 2018 година на градскиот плоштад.