Градоначалникoт Митко Јанчев се стреми кон транспарентно работење и поголемо доближување до секојдневните проблеми на граѓаните.

„ Во нашето општество за жал луѓето многу ретко зборуваат отворено за проблемите со кои се соочуваат. Секторот за Локален економски развој и раководителот на секторот Тодор Ефремов заедно со Градоначалникот Митко Јанчев се погрижија да создадат активности за деца со аутизам и нивното време да биде квалитетно потполнето.

Овие деца ќе имаат спортски активности два пати неделно со професор по физичко образование и еднаш неделно ќе го посетуваат ООМБУ „Лазо Мицев Рале“. Професорот по физичко образование кој е советник за спорт во Општина Кавадарци ќе работи со овие деца два пати неделно со вежби прилагодени за нивните потреби.

Професорите по музички инструменти ќе се менуваат и децата ќе имаат можност да се запознаат со сите инструменти.

Ова е само почеток на програмата за социјална заштина. Со овие мали чекори се надеваме дека ќе ја поттикнеме свеста кај граѓаните за целосно прифаќање на овие деца и да создадеме едно поинакво гледиште за ваквите активности. Во истовреме сакаме да ги охрабриме сите родители на деца со аутизам отворено да разговараат и да се вклучат во овие активности.“ се вели со соопштението од кабинетот на градоначалникот Митко Јанчев.

Активностите кои ги најавува Локалната самоуправа започнуваат денес, во 16 часот во Спортската сала Јасмин, во малата сала, со час по спортски активности.Се очекува на првиот час по физичко образование да биде присутен и Градоначалникот Митко Јанчев.