Првиот синикалист повторно ја доби довербата на работниците ,и понатаму е претседател на Синдикатот на Фени Индустри

Потврдена е довербата во Синдикатот на “Фени”, рече денеска Ѓоре Палитов, претседател на синдикалната организација, по денешното вонредно Собрание. Тој појасни дека го свикал синдикалистите за да се изјаснат, поради, како што нагласи, шпекулациите дека има раздор меѓу нив.

-Точно е дека имаше неколкумина кои беа незадоволни и најверојатно очекуваа функции, но мнозинството е на страната на актуелното раководство. Продолжуваме како и досега да се залагаме за исполнување на нашите барања во рамките на стечајната постапка: Да ни остане статусот на вработени и што е можно побрзо да се одлучи кој ќе биде новиот инвеститор во комбинатот, информираше Палитов.

Тој појасни дека вчера компанијата била по втор пат посетена од претставници на француско израелскиот фонд, кој засега имал најголеми шанси за влез во “Фени”, но претходно дошле и заинтересирани претставници од Швајцарија и Бугарија. Палитов се осврна и на проблемот со уплатените дрва за огрев кои не ги добиле по вина на компанијата во која уплатиле. Раскинат бил договорот со таа фирма и бил склучен со друга, за дрва во вредност од околу шеесет илјади евра.