Во Кавадарци денеска се одржa Стоматолошки симпозиум-10 по ред, со меѓународен карактер, во организација на Здружението на приватни здравствени стоматолошки установи.

Претседателот на Организациониот одбор Весна Чемерска-Попова изрази задоволство што симпозиумот е масовно посетен од околу триста учесници, доктори по стоматологија. Предавачи се професори доктори од стоматолошки факултети од земјава и странство.

-Се надеваме дека овој симпозиум ќе придонесе докторите по стоматологија да се стекнат со нови знаења кои ќе ги применат во своите ординации, се со цел пациентите да добиваат подобра услуга, рече таа во изјава за медиумите.

Притоа нагласи дека на симпозиумот се говори за современата стоматологија. Се мисли на користењето на компјутеризирана томографија, новите начини за рентген снимање, примена на ласерите во стоматологијата.