Пет минути после полноќ ,во новата 2019 година се роди првиот жител на Општина Кавадарци. Цветанка Димкова роди здраво женско бебе тешко 2.900 грама, и 50 см. долго.Породувањето помина во најдобар ред.Цветанка има 24 години и ова и е прво дете .

Породувањето го изврши Д-р Боривое Павловски- од Клиниката за Гинекологија и акушерство Скопје.

Градоначалникот Митко Јанчев ,со членови од неговиот кабинет, денеска ги посети среќната мајка и нејзиното бебе им честита за приновата и им подари штедна книшка со парична сума и други подароци.Подароци покрај Цветанка подароци добија и другите редолки кои беа скоро породени.

Директорот на ЈЗУ Општа Болница Кавадарци-Диме Коцев информира дека лани на Одделнеието за гинекологија и акушерство во Кавадарци биле родени 400 бебиња од кои 226 машки и 174 женски.Тој им се заблагодари на целиот персонал и на колегите лекари од Гинеколошко акушерската клиника од Скопје ,кои се присутни 24 часа во кавадаречкото оддделнеие. Соработката ке продолжи и понатаму со цел здравствената заштита на родилките биде на високо ниво.