МЕСТО ЗА ВАШАТА РЕКЛАМА
(770x120)

Прес на портпаролот на ОО на СДСМ- Вуко Мелов : Во 2019 година во развој на патната инфраструктура во пограничниот регион на Општина Кавадарци ќе бидат вложени околу 50 милиони денари

Соопштение-интегрален текст Почитувани сограѓани Децениската желба и потреба на кавадарчани конечно почнува да се реализира. Владата во соработка со локалната самоуправа, превземаат низа активности за отварање на граничниот премин Пуљевац. Отварањето на овој граничен премин ќе значи огромен економски бенефит не само за Кавадарци, туку и за целиот овој регион. Изградбата на граничниот премин Пуљевац ќе придонесе за зголемување на соработката на стопански план, како и заживување на туризмот. Ќе придонесе за локален и економски развој на целиот овој регион. За реализација на овој проект, Агенцијата за патишта во 2019 година ќе одвои околу 50 милиони денари за реконструкција на постоечки патишта во овој регион. Наместо во барокни фасади, оваа влада инвестира во подобрување и изградба на нова инфраструктура. Ќе продолжуваме и понатаму со спроведување на политики и проекти кои се во интерес на доброто на граѓаните. Ви благодарам