МЕСТО ЗА ВАШАТА РЕКЛАМА
(770x120)

По низата шпекулации за наводно отпуштање на вработени како последица на коронавирусот, кои се видат на социјалните мрежи, го замоливме за официјален став раководствто на Дрекслмајер Кавадарци.Извстувањето ви ги предаваме во целост, во интегрална форма.

- “Кризата предизвикана од пандемијата на коронавирусот има огромно влијание на нашата компанија, а од самиот почеток, здравјето на нашите вработени е наш главен приоритет. Оваа специфична состојба секако има и сериозни економски ефекти врз целата индустријата, нашите клиенти, а со тоа и врз нас како добавувач. Како компанија што испорачува во точно одредено време и во одредена секвенца, ние во потполност зависиме од нашите клиенти. Во време кога нарачките од клиентите се стопирани, мораме и ние да го запреме нашето производство. Веднаш штом клиентите ги рестартираат своите капацитети, подготвени сме за нов почеток. Иако речиси е запрено нашето производство и компанијата не остварува приходи, трошоците во моментов се огромни и се исти како и во редовни околности. Се разбира и во овие услови компанијата ги исплаќа платите на сите наши вработени, иако најголем дел од нив во моментот не работат. Се обидуваме да ги осигураме работните места на нашите вработени преку различни модели на компензација. Како семејна компанија со високи социјални стандарди, масовно отпуштања на вработените не е опција, надвор од вообичаената месечна флуктуација и регуларниот селективен процес во однос на компаниското работење. Компанијата прави напори за заштеди во многу области на своето функционирање, сѐ со цел да се премости овој критичен период и да се осигураат илјадници работни места на долг рок. Се надеваме дека заедно со нашите вработени ќе го пребродиме овој кризен период и повторно ќе се вратиме на старите патеки на успешно работење,„- се наведува во известувањето од Дрекслмајер на барање на РТК.МК.

М.Д.