на 7 Септември 1944 година е ослободено Кавадарци

Со формирањето на Првата македонска дивизија во с село Шешково, Народноослободителната борба против окупаторот се повеќе се интензивира. По успешните борби против бугарскиот окупатор кај селата Крњево и Барово, Деветата македонска бригада својот победоносен од го насочува кон Кавадарци. Неколку дена пред почетокот на нападот согласно препораките на ГШ на НОВ на Македонија, а со цел непотребно да не се пролева крв, пред веќе одбројаните денови на фашистичка Бугарија, Штабот на Девета бригада прави обид за преговори со окупаторската војска и за таа цел определена е една група, придружена со група војници кои заминуваат на преговори со бугарската војска, стационирани во зградата на Тутуновиот монопол во Кавадарци. Делегацијата на бугарското раководство му понудила две можности Да се приклучат кон НОВ и второ да го предадат оружјето и да ја напуштат територијата на Македонија и да се вратат назад во Бугарија. Претставниците на бугарската војска ги отфрлиле и двата предлога.Деветата бригада веднаш потоа се подготвила за напад на Кавадарци и на 7 Септември во раните утрински часови се упатиле кон Кавадарци. Исплашени од успесите на НО војска и присуството на единиците на Првата дивизија, бугарската војска без борба го напуштила Кавадарци. Во попладневните часови борвите на бригадата навлегуваат во градот, каде биле масовно пречекани од граѓаните на Кавадарци. Бил организиран митинг на кој присуствувало скоро целото Кавадарци, а на митингот говореле Најдо Стаменик Орлов-командант на бригадата и Ристо Стојанов-Железни нејзин политички комесар. Покасно митингот прераснал во општо народна веселба која траела до касно во ноќта. Долго очекуваната слобода населението во општина Кавадарци ја плати многу скапо. Загинаа 333 паднати борци и жртви на фашистичкиот терор, од кои тројца се прогласени за народни херои, а беше голем бројот на ранетите борци од кои многумина останаа трајни инвалиди.

архивски податоци/ фото Музеј Галерија Кавадарцу

м.д.