Денеска градоначалникот на Општина Кавадарци им го честита стартот на новата учебна година на сите ученици во Општина Кавадарци.Најрадосни беа првачињата кои ја имаат првата средба со училиштето.Поради Ковид 19 и строгите протоколи сите училишта беа внимателни со спроведување на потребната дистанца и заштита на децата и наставниците и спроведување на наставата со неопходно запознавање со другарчињата и училиштето.

Во Општината за прв пат настава ке посетуваат 392 првачиња во 21 паралелка а он лајн настава од 4 до 9 одделение 1.130 деца од основните училишта.

Настава за прв пат ова учебна година се спроведе и во средните училишта.

ИНТЕГРАЛЕН ТЕКТ

„Почитувани,

Еден месец подоцна од вообичаено започна учебната година. Оваа 2020 та година направи големи промени во нашето живеење. Ситуацијата во која се наоѓа целиот свет , не само ние, не натера да наоѓаме поинакви начини за да функционираме и да го поминуваме нашето секојдневие.

Во Општина Кавадарци денес сите училишта започнаа со настава, за жал детскиот жагор и гужвата во школските дворови ја нема, но образованието мора да продолжи. Денес 392 првачиња распоредени во 21 паралелки, за прв пат ќе се запознаат со своите учителки и учители. Физичко присуство од прво до трето одделение имаме во сите централни и подрачни училишта. Вкупно 1130 дечиња ќе посетуваат настава согласно сите препораки и мерки за заштита од Ковид 19. Останатите ученици од четврто до деветто одделение наставата ќе ја следат онлајн, освен учениците во подрачните училишта во с.Сопот, с.Возарци,с.Дреново, с.Марена и с.Бегниште каде се исполнуваат условите за физичко присуство. Исто така услови за физичко присуство исполнува и Основното музичко балетско училиште Лазо Мицев Рале.

На сите ученици им го честитам почетокот на учебната година им посакувам многу успех и пред се посветеност.

Им посакувам успешно да ја совладаат новата онлајн настава и да постигнат добри резултати како и во изминатите години.

На првачињата им посакувам среќен нов почеток, многу знаење , нови другарства и секогаш да бидат насмеани.

Среќно првачиња

Среќно ученици.„

м.д.