ЧЕСТИТКА НА ГРАДОНАЧАЛНИКОТ , М-Р МИТКО ЈАНЧЕВ, ПО ПОВОД ДЕНОТ НА ПИСМЕНОСТА ПОСВЕТЕНА НА ПРОСВЕТИТЕЛИТЕ- СВЕТИТЕ БРАЌА СВ.КИРИЛ И МЕТОДИЈ

-„Ја имаме можноста да се изразуваме и да го запишуваме секој изминат ден. Да пишуваме за животот и предизвиците со кои се соочува овој народ. Имаме можност да пишуваме историја и преку пишаниот збор да ја пренесуваме од генерација на генерација. Сесловенските просветители, светите браќа Кирил и Методиј, ни дадоа писменост но во исто време и чувство на гордост за македонскиот народ. Денес имаме обврска но пред се чест да ги спомнеме и славиме нивните имиња. Глаголицата претставува основа за културата на македонскиот народ и патот по кој чекориме напред. Ви посакувам среќен празник и да ги славиме имињата на светите браќа Кирил и Методиј. Со почит,

Градоначалник М-р Митко Јанчев“,

-се наведува во честитката на кавадаречкиот градоначалник.,