Усвоен ребалансот на буџетот кој се зголемува за 36.094.000 денари.Советниците на СДСМ дискутираа дека истиот е нереално планиран. Златевски пак наведе дека е добро да има почестo ребаланс, бидејќи во оваа криза тешко може да се планираат трошоците.Градоначалникот Јанчев рече дека со општинските служби на дневна основа се следат економските состојби во државата.

-„Планираме да ја пребродиме оваа криза. Нема да има намалување на програмата за комунална изгараба, а нема да се намали ниту хигиената во градот“ рече градоначалникот.

Донесена е одлука и за покачување на цената на водата за 2 денари по метар кубен. За Левица и СДСМ ваквата одлука не била во ред, но од мнозинството нагласија дека покачувањето е по насоки на РКЕ и е во момент кога цените на сите енергенси се драстично покачени. Директорот на ЈП Комуналец, Орцо Клинчаров рече дека се работи за минимално покачување, а е потребно да се направи во овој момент, бидејќи цената на струјата и нафтените деривати се драстично поскапи.

Усвоена е изменсата на програмата за „Тиквешки гроздобер“. Третата вечер од гроздоберот главна музичка ѕвезда е Горан Бреговиќ со неговиот оркестар.

Претседателот на советот д-р Стојанчо Рамов најави дека службите ќе направат анализа колку првачиња ќе има од први септемри, по што ќе се одлучи колкав надомест ќе биде издвоен од општината за поддршка на првачињата.

Советниците имаа точка Советички прашања, но беа малку поставувани прашања денеска до градоналалникот.Освен советникот Д-р Павле Маневски кој постави комунално прашање, само советникот Јован Златевски најави формирање на ново Здружение на лозари кое ќе работи на заштита на правата и интересите на лозарите а постави и прашање за село Бојанчиште

а.д.

м.д.