По осми пат до 27 август ке се одржува турнирот во мал фудбал „Голема Света Богородица“.

Во оваа спортска манифестација во Демир капија се пријавија 20 екипи од Тиквешкиот регион.

По настапот на фолклористите на КУД „Мирка Гинова“,турнирот во мал фудбал го отвори градоначалникот на општината Демир Капија г-дин Трајче Димитриев кој рече дека ,истиот е еден од најголемите спортски настани во Општината. Организирањето на турнирите во Демир Капија како и во селата Бистренци и Корешница е многу значајно, затоа што ги обединува младите околу спортот. Тој го потврди уверувањето дека се враќа спортскиот живот во Демир Капија. Инвестирањето во спортот и во младите е приоритет во програмата за развој на Општина Демир Капија.Локалната самоуправа со 150.000 денари обезбеди подршка на организацијата на турнирот и награди за победниците.

Турнирот ќе трае до 27 овој месец,првиот ден на Демиркапискиот панаѓур на кој ќе бидат прогласени екипите победници и притоа ќе бидат доделени наградите и признанијата.