Во рамки на оваа акција бесплатно ќе биде организирано мерење на шеќер и масти во крвта.

Во рамки на планираните годишни активности општинската организација на Црвениот крст од Кавадарци, утре ќе ја организира втората летна крводарителска акција. Својата хуманост на дело ќе можат да ја покажат сите кавадарчани кои со донирање на животната течност би спасиле нечиј живот. Акцијата ќе се одржи во прoсториите на кавадаречкиот црвен крст, а е планирана да започне од 9 и ќе трае до 14 часот. Во рамки на оваа акција бесплатно ќе биде организирано мерење на шеќер и масти во крвта.

Инаку од кавадаречкиот Црвен крст соопштуваат дека според досегашните реализирани крводарителски акции се повеќе се буди свеста кај граѓаните за хуманост и солидарност. Крводарителски акции, се организираат еднаш до два пати месечно преку цела година во институциите, училиштата, особено во летен период, но има и такви дарители кои даруват крв и надвор од организираните акции. Соработката со трансфузиолозите и центрите за трансфузија е на високо ниво. Редовно има акции за крводарување и никогаш не дојде до недостаток на крв и во состојба за ургентно дарување, велат од ОО Црвен Крст Кавадарци.