Во духот на традицијата, и годинава здружението „Винотек“ ќе организира низа на настани со кои ќе го одбележи денот на заштитникот на лозарите и овоштарите, Свети Трифун.

Во пресрет на празникот, на 11 февруари во хотелот „Вила Бела“ во Моклиште ќе се оддржи дегустација на вина и ракија од домашни производители. Оценувањето ќе го вршат врвни енолози, а пријавувањето трае до 10-ти февруари. Сите домашни производители на вино и ракија своите мостри можат да ги достават во продавницата за винска опрема Еуро Хандел која се наоѓа наспроти влезот на црквата „Свети Димитрија“.За самиот ден на Свети Трифун, пак е предвидена богата програма која ќе започне во 11 часот, со презентација начинот на варење ракија, за точно на пладне да започне свеченото закројување, по што ќе следи натпреварот во кроење. Програмата продолжува со дегустација на вино и храна и доделување на дипломи на најдобрите кројачи за 2018 година. Како и претходните, така и годинава на одбележувањето на празникот „Свети Трифун“ здружението „Винотек“ ќе го одбележи на лозовите насади на професорот Блаже Велков кои се наоѓаат во месноста викана „Овчка Река“, а покрај гости од Македонија се очекуваат да присуствуваат и бројни посетители од соседните земји, но и од винска Франција.