МЕСТО ЗА ВАШАТА РЕКЛАМА
(770x120)

Од Основниот суд во Кавадарци на нивниот ФБ профил информираат дека ;„Во месеците март и април во Основниот суд Кавадарци, не се примени предмети по чл.205 од КЗ, а примени се вкупно 40 предмети по предлози за казнени налози за сторени кривични дела ,,Непостапување според здравствени прописи за време на епидемија,, по чл.206 од КЗ и тоа: Во месец март примени се 12 предмети по предлози за казнени налози за сторени кривични дела ,,Непостапување според здравствени прописи за време на епидемија,, по чл.206 од КЗ, на начин што лицата при извршени проверки од страна на службени лица на МВР, не се затекнати во своите домови при што не се придржувале на изрречената мерка од писмената наредба на Министерството за здравство и потпишаните изјави за самоизолација (во некои предмети нема потпишано изјава за самоизолација), сите се решени и за 11 предмети изречена е казна од 50 дневни глоби по 40 евра за ден глоба или вкупно 800 евра во денарска противвредност од 49.200 денари, а за еден предмет (К.бр.55/20) изречена е парична казна од 100 дневни глоби по 45 евра за ден глоба или вкупно 4.500 евра, во денарска противвредност од 276.750 денари. Во месец април примени се 28 предмети по предлози за казнени налози за сторени кривични дела ,,Непостапување според здравствени прописи за време на епидемија,, по чл.206 од КЗ, сите се решени и тоа на начин што во 27 предмети, обвинетите лица ја прекршиле забраната за движење издадена од МВР, при што истите биле затекнати дека ги напуштиле своите домови и се движеле, а не поседувале дозволи за движење, при што им е изречена парична казна од 40 дневни глоби по 20 евра дневна глоба или 800 евра, а во денарска противвредност од 49.200 денари, додека во еден предмет (К.бр.106/20), обвинетите лица не ја почитувале Одлуката за мерки за спречување на внесување и ширење на корона вирус со која се забранува работа на кафетерии, барови, клубови, казина и спортски обложувалници, сите угостителски објекти и ресторани на територијата на РСМ при што обвинетите вршеле продажба и послужување на пијалоци и напивки на угостители и гости, за што им е изречена парична казна и тоа на правното лице парична казна од 100.000 денари, а на одговорното лице парична казна од 40 дневни глоби по 20 евра дневна глоба или 800 евра, а во денарска противвредност од 49.200 денари. Во текот на мај примени се 4 предмети (заклучно до денес 06.05.2020) со предлози за казнени налози за сторени кривични дела ,,Непостапување според здравствени прописи за време на епидемија,, чл.206 на начин што обвинетите лица ја прекршиле забраната за движење издадена од МВР, при што истите биле затекнати дека ги напуштиле своите домови и се движеле, а не поседувале дозволи за движење и истите не се решени.„-

се наведува на ФБ профилот за работата на судот во Кавадарци во март и април 2020 година.

м.д.